【now.com財經】話咁快嚟緊嘅星期六(2月10日)就到初一，不過有啲人以立春起年計，係嘅話即係噚日已經係龍年；恒指亦都話咁快上個星期本來喺16000點皮邊，嚟到今日得155sth。
今朝開市恒指再跌多196點，開市報15336點，將15300至15399點嘅重牛殺剩得返36點生命直後，踩入9點半打後恒指出低開高走，去到依家9點43分，恒指跌幅收窄至109點，報15426點，看似指數想做低開高走，不過暫時見恒指爬升嘅力度都似乎有限，作戰室淡倉出動，都見已經有戰友率先收割。
未到10點，不過睇小時圖嘅仍然借住上個星期五(5日)拉出嚟嘅量度線(紎15412點)做Trade先，指數低開高走後見指數高位都有喺呢條線徘徊下，安全嘅當然可以等到10點打後，再睇小時圖過唔過到條線，再先至決定出咩倉啦。
按目前指數擺位仍然靠近牛證街貨層，同埋15300至15399點雖然去得八八九九，同時見15200至15299點呢層其實都仲有700幾張期指嘅。如果小時圖15412點呢條線頂住指恒指的話，恒指熊(68916)，收回價15750點，同璿價有約300零點距離，都算貼架，槓桿31.4倍，夠做Day Trade架啦。
相反，如果10點後指數喺小時圖上見可以企得返喺條量度線之上，咁就恒指牛(67862)，收回價15100點，同現價有約433點，借一借小時圖最近嘅平均線(應該會係10線/20線)作為上方量度線。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
