【Now財經台】本港經濟仍然疲弱，去年第4季本地生產總值(GDP)增長4.3%，全年就升3.2%，差過預期，農曆新年好快就到，過往呢段時間零售股都會熱炒，不過，滙豐證券最新嘅報告預期，本港零售業前景仍面對好大挑戰，又話偏好組合多元化及必需性消費佔比較高嘅收租股，包括領展房產基金(00823)及太古地產(01972)，究竟呢類股份係咪可以喺疲弱嘅零售市道下跑出？
勝利瑞柏基金管理合伙人暨投資總監陳建良指，以現時本港市況，呢類多元化收租股應該會跟住大市行，未必可以單獨跑出，佢又提醒投資者要避開借貸較高嘅股份，因為最近銀行對物業股開始有問號，所以借貸愈少嘅公司會愈有優勢。
