【Now財經台】金力永磁(06680)擬發行逾2689萬股新H股，其中，控股股東江西瑞德計劃認購約2017萬股，每股作價8.19元，較上周五(26日)收市價有逾10%溢價，集資2.2億元。值得留意係，金力股價上周五創新低，即傳出大股東肯溢價認購新股，係咪代表佢睇好公司前景？
《香港股票財技密碼》作者梁杰文指，有可能係大股東想趁低撈貨，金力上市價逾30元，依家已跌到7.5元水平，累跌計逾70%，集團喺呢個時候發新股集資，大股東本身持有逾28%嘅A股，計埋今次認購嘅新H股，總持股量超過30%，集團今次發新H股，似乎係為大股東可以名正言順低位增持舖路，唔代表睇好公司前景。
