【Now財經台】國資委開記招講國企重組，甚至升職都要睇國企業績，中特估概念股近日成功翻炒，中國海洋石油(00883)股價破晒頂，另一隻資源相關股中鋁國際(02068)昨日(25日)更顛升逾70%，中特估概念股應該點揀好？應該長揸或短炒？
冠域商業及經濟研究中心主任關焯照認為，應該畀呢啲股份唞一唞，因為行得好快，其實國企改革好多季之前已經炒咗，睇返中國移動(00941)走勢，雖然有2至3季靜咗落嚟，雖然依家破頂，但低過之前個頂，低過70元，走勢係咪係咁勁？所以都要小心。
佢又話，好彩都有鞭策國企揸弗人，叫佢哋睇實股價、做好業績，反而令市場人士有返啲信心，如果業績好派多啲息。關博士指，中海油有外圍優勢，睇返技術指標真係好強勢，已經破埋保歷加通道頂，等佢唞一兩日，通常升咗一浸好勁，如果再一邊會更勁，所以投資者要留意股價係咪要回一回，
