【Now財經台】港股愈跌愈深，恒生指數今個星期開局即失守15000關，續繼見14個月低位，但令人意外係，零跑汽車(09863)仍選擇喺依家嘅市況下配股集資，配股價43.8元，較上周五(19日)收市價，有近70%溢價，雖然股價今日(22日)爆冷大幅高開逾8%，但隨即掉頭向下，最多大跌逾10%，係咪因為溢價太高？
《香港股票財技密碼》作者梁杰文認為，溢價確實太誇張，會令投資者思考背後嘅原因，如果睇返零跑嘅「歷史」，已經唔係第1次溢價配股，2023年底零跑曾經以20%溢價，向斯泰蘭蒂斯巴達(Stellantis)配股。不過，零跑近3個月受港股或集團自身經營拖累，股價拾級而下，今次配股溢價高達70%，再睇返兩次溢價配股對股價嘅刺激作用都唔大，其中，今朝大幅高開後，獲利盤隨即湧現盤壓返低股價。
