【Now財經台】名創優品(09896)昨日(18日)公布未來5年發展大計，目標是2024至2028年收入複合增長不低於20%，派息比率不低於50%，至2028年底店舖數目較現時增加1倍等。
註冊財務策劃師協會會長黃敏碩認為，集團逆市擴張合理，形容依家係播種期，門店開得七七八八，而經濟又好返，就會進入收成期，始終生活用品都有一定需求，唔一定要靠網購或淘寶，名創都有自己嘅特色。
Michael續指，名創目標到2028年知識產權(IP)產品銷售佔比逾50%，或有助提升毛利率，因為現時唔少IP項目希望透過同日常消費品合作來提高知名度，而名創嘅產品有IP加持，定價就可以高少少。
不過，佢認為名創目前有17至20倍預測市盈率(PE)仍貴過同業，相信估值喺港股呢輪跌浪下仲有調整空間，降至15倍以下市場就可能覺得抵買。
