【Now財經台】截至早上11時15分止，1小時內《彭博》用戶新聞量最多港股，依次為友邦保險(01299)、東風集團(00489)、京東健康(06618)、新鴻基地產(00016)及農夫山泉(09633)。
內需股農夫山泉今日上榜，唔少內需股踏入2024年跌到一仆一碌，累計跌幅達10%至20%，臨近農曆新年，加上內需股又大落後，係咪可以考慮買入博反彈？
大華繼顯執行董事梁偉源指，農曆新年一定對消費有提振作用，佢建議投資者揀同旅遊相關嘅股份，因為本地消費相關股，例如餐飲業等增長應該有限。
至於農夫山泉最大問題係估值貴，市盈率(PE)達40倍，但收益率唔夠2厘，但勝在業務相對穩定，可以挽回投資者部分信心。
