【Now財經台】截至早上11時止，1小時內《彭博》全球用戶關注度上升最多嘅首5隻港股，依次為東方海外國際(00316)、銀河娛樂(00027)、中遠海控(01919)、國泰航空(00293)、新鴻基地產(00016)。
紅海事態又出現變化，難怪航運股今日插水。有消息指，部分航運公司同胡塞武裝組織傾掂數，恢復紅海航道。係咪只要地緣問題解決，航運股就有運行？
富途證券高級策略師譚智樂認為，雖然紅海事件唔會咁快淡化，除非航運股穿底，否則，都唔使睇得太悲觀，不過，呢類股份已經冇乜炒作空間，唔啱短炒。
Arnold又指，受2024年全球經濟增長放慢影響，實際船運需求比市場預期小，加上唔少大型船運公司估計，2024年至2025年將會有多隻大型新船，所以運力過剩風險未來兩年仍然存在。
