【Now財經台】細價股高鵬礦業(02212)今日(8日)逆市爆升，早段一度飆60%，其後升幅顯著收窄，成交金額逾百萬元，雖然睇落唔算多，但其實較過去100日平均激增85倍。集團早前宣布折讓配股，集資近3600萬元，其中70%用嚟投資2023年收購嘅大理石項目，論業務性質，大理石投資唔算吸引，但喺市道唔好下，公司仲有集資能力，係咪解釋到股價今日點解可以爆升？
《香港股票財技密碼》作者梁杰文認為，高鵬今日爆升，主因同公司配售代理建泉國際控股(08365)有關，後者自2020年為高鵬配售後股價升咗幾倍，令市場憧憬同一個配售代理會高鵬股價繼續長升長有。
不過，Mike表示，由於近期市況差，導致股價好快回歸理性，升幅顯著收窄，加上今次配售仍未完成，喺大部分投資者都持觀望態度下，亦係升幅好快收窄嘅原因之一。
