【Now財經台】回顧2023年，石油及能源股表現十分靚仔，甚至大幅跑贏指數基金盈富基金(02800)，今年係咪可以繼續部署呢兩類股份？依家係咪入手指數基金嘅好時機？
香港大學房地產及建設系客席副教授楊書健指，盈富去年表現的確麻麻，但只係個別情況，一般嚟講，買指數交易所買賣基金(ETF)會比較穩定，包括英國IUKD、澳洲VHY及美國NOBL，去年表現都好過盈富。佢又話，唔少做全球配置嘅投資者都會用呢3隻ETF，尤其係IUKD及VHY，除咗派到6厘以上息，亦全部錄得正回報，如果從呢個角度睇，去年揀中油股固然開心，但即使用ETF做配置，回報都唔錯。
Victor話，澳洲200指數表現長期穩定，當地經濟過去30年都冇陷入過衰退，投資者都對呢個市場好放心，如果想做未來5至10年長期部署，建議考慮VHY及IOZ。
