【Now財經台】恒生指數今朝(2日)開市已見咗全日高位，之後掉頭向下，一度瀉逾300點，2024年開局表現認真麻麻，恒指已連跌4年，今年可唔可以轉勢仲係未知之數，喺呢個市況下，繼續吼公用股或收息股係咪比較好？
港燈(02638)及中電控股(00002)之前已獲准調整收費，雖然元旦日起，淨電費會下調，但平均基本電費都有得加，加上憧憬美國減息嘅利好消息，華盛證券財富管理部董事李偉傑認為，本港收息股將繼續受追捧。
Jason話，其實自美國債息喺2023年高位回落開始，兩電及其他公用股已受資金追捧，而兩電生產嘅主原料天然氣價格已回落至2021年水平，喺成本下降下，兩電收益理應明顯改善。
此外，東江水供水協議喺2023年底傾掂數，持有東江水專營權嘅粵海投資(00270)，股價近日都自低位回升，之前市場擔心粵投嘅房地產投資表現，Jason就指...
