【Now財經台】截至早上11時止，1小時內《彭博》用戶關注度上升最多首5隻港股，依次為華能國際電力股份(00902)、中國平安(02318)、華南城(01668)、騰訊控股(00700)、李寧(02331)。
內地電力數據陸續出爐，加上當地遭遇入冬以來最強寒潮，全國用電需求處於歷史高位，電力股AH股齊齊炒起，其中華能國電高開1%後，早段曾升逾4%，高見4.22元。內地氣象部預料再有一股冷空氣南下，下周六(30日)氣溫才回升，電力股係咪仲有上升空間？
資深證券分析師彭偉新認為，除咗寒流呢類季節性因素短線推動股價，上月內地工業生產值回升反映當地工業開始復甦，有利整體用電需求上升。此外，煤價已經恢復到比較合理嘅價格水平，而且最近整體發電量數據較預期好，有助減輕電力股嘅毛利壓力。
Castor續指，華能國電自年初由低位拾級而上，目前已經形成上升型態，相信眾多消息可以助力股價進一步升至4.5元水平。
