【Now財經台】截至早上11時止，1小時內《彭博》用戶關注度上升最多港股，依次為維達國際(03331)、中國擎天軟件(01297)、海昌海洋公園(02255)、融創中國(01918)及東瀛遊(06882)。
雖然港股市況唔好，但唔少公司都有動作或傳嚟重大消息，其中，維達獲印尼富豪以溢價逾13%提全購，而擎天軟件就獲主席以近30%溢價提私有化，點解會出現呢個情況？
大華繼顯執行董事梁偉源指，港股今年表現的確好差，唔少股份嘅股價都跌到好殘，可以講依家通街都係平貨，自然吸引到個別公司大股東進行私有化，其實都係正常。
Steven又指，維達規模大，現價相對私有價有約5%折讓，屬於合理水平，但現階段仍未肯定最終係可以成功私有化，若最後落實私有化，呢筆錢亦唔係可以即時落袋，因此，炒呢類私有化股份，須考慮時間性問題及其他不明朗因素，但佢認為，相對於擎天軟件，維達成功私有化嘅機會更高，因為…
