【Now財經台】軟件即服務(SaaS)相關股份今日(13日)普遍跌，其中，微盟集團(02013)股價今朝一度急瀉近15%，集團迅速喺中午出通告，指不悉股價跌因，又話公司業務運作正常，保持健康快速成長，現金流亦持續改善。值得留意係，近期唔少股份嘅股價突然插水，最初都話唔知咩原因，但後來就話同降業務前景指引有關，但微盟似乎唔係涉及呢個問題？
南華金融集團高級分析師莫灝楠認為，雖然微盟業績唔好，但今次應該唔係涉及呢方面嘅問題，其實SaaS股依家都都處於一個「增收不增利」嘅局面，而今個月都見到科網股、新經濟股排住隊「跳水」，依家就拖埋微盟落嚟，今日亦有授出股權嘅消息，市場依家係好唔鍾意呢類股份，一有少少壞消息就沽。
Casper估計，微盟Bottom Line短期難扭虧，增長亦放顯著放慢，而微盟錢就燒咗，營銷費又使咗，但毛利及淨利增長就跟唔上，淨利方面仲繼續要輸緊錢，喺公司縮皮後仍然賺唔到錢下，市場必定好有戒心。
