【Now財經台】金蝶國際(00268)獲卡塔爾主權財富基金卡塔爾投資局(QIA)子公司斥逾15億元入股，帶挈股價逆市升8%，今次獲國際知名基金入股，係買睇好金蝶盈利及業務前景？
博威環球證券金融首席分析師聶振邦指，港股整體投資氣氛持續欠佳，資金會流入一啲有利好消息嘅股份，近期港股IPO唔算活躍，但金蝶今次只係配股已經可以集資15億元，為市場帶嚟驚喜，喺多個因素支持下令股價今日逆市炒上。
至於金蝶呢類公司嘅雲業務，對中東市場嚟講有幾大吸引力？如果集團成功開拓中東市場，幾時可以見到成果？
聶Sir指，依家金蝶海外市場佔比細，部署拓展海外業務係一個合適嘅策略，平台即服務(PaaS)喺卡塔爾嘅發展比其他一線國家稍微落後，市場會憧憬金蝶同卡塔爾有更緊密合作，估計未來兩年國際收入佔比會擴至介乎3%至5%。
