【Now財經台】美國上周公布嘅非農數據爆冷轉強，新職位有19.9萬個，不過，由於美國通脹數據持續回落，市場仍預期聯儲局及全球主要央行明年會開始減息，喺減息環境下有咩投資勝算會大啲？
安泓投資總監兼香港大學房地產及建設系客席副教授楊書健指，如果全球主要央行都減息，房託(REITs)一定會受惠，雖然本港大部分地產股今年都跌到幾殘，但佢提醒，投資本地地產股前，要評估埋未來3至5年嘅樓市情況，先再諗買唔買本地地產股。
Victor又話，本港個別地產股開始有動作，其中，太古A(00019)拋出回購計劃，而地產股以外嘅惠理集團(00806)亦派特別息，反映本港有實力嘅公司開始有動作，希望提升返公司價值，投資者明年不妨留意呢類股份。
