【Now財經台】評級機構穆迪近日連環出手，降完中國評級展望後，又降埋香港及一批內地和香港企業評級展望，拖累港股一度跌到16000點邊緣，今輪跌浪中，藍籌友邦保險(01299)跌足10日後，今日終於回穩，上返64元，點解友邦會跌到咁？現價值唔值得買入？
冠域商業及經濟研究中心主任關焯照指，友邦應該可以企穩62元水平，依家係入手好時機，友邦呢一浸跌勢明顯係有人收到風，ATM都已經郁緊，加上美團(03690)等因素，於是順勢推落去。
關博士又話，友邦本身有正面因素支持，理論上走勢唔會咁，佢認為友邦股價應該跌夠，而大部分不利消息都出晒，後市應該喺現水平開始反彈，估計年底可以見66元、68元。
