【Now 財經台】在深圳上市嘅萬達電影今早(6日)停牌，集團中午出通告，指中國儒意(00136)旗下上海儒意擬向萬達電影提全購，有分析指今次儒意出手，其實係幫萬達董事長、前中國首富王健林解決財困。
南華金融集團高級分析師莫灝楠指，萬達及王健林陷財困嘅消息已流傳咗好耐，其實喺依家嘅市況下，內房都普遍面對財務困境，但萬達到這一刻仍運作正常，亦冇過度槓桿，對比其他高周轉內房尚算正常。
Casper認為，今次未有公布交易作價，若王健林賤賣萬達股權，他急需撲水嘅猜測就可以成立，但由於冇公布交易作價，好難估計今次交易嘅背後動機。
