【FINTERVIEW】農曆年後造6個月定存有得諗

【Now財經台】市場普遍預期，歐美主要央行明年好大機會掉頭減息，係咪預示本港高息環境仍會持續一段時間，最少維持至明年農曆新年？

上海商業銀行研究部主管林俊泓指，本港高息環境好大機會持續一段時間，港元市場有兩個高峰，包括年結及農曆新年，相信農曆新年前港息仍會高企。睇返過往嘅利率周期，當美國聯儲局開始減息時，港息下調速度會快過美息，佢估計，港息明年下半年會出現較大變化。

至於應唔應該趁年底造港元定存？Ryan建議先造1個月定存，由於港息加慢減快，投資者可以考慮喺農曆新年後，可以造6個月定存。