【Now財經台】港交所(00388)股價連跌兩日後，今朝走勢反覆，資金流方面，過去兩日，好倉都錄得淨流入，資金今朝係咪繼續流入好倉？成交活躍嘅CALL輪年期都屬於中長身，明年3月至5月到期，槓桿8至12倍，牛證方面，槓桿差唔多嘅產品距離收回價9%至逾10%，係咪揀CALL比較安全？
瑞銀亞洲股票衍生產品銷售部李梓維指，港交所之前急挫，引伸波幅都抽高咗，高過歷史平均少少，如果用牛證做博反彈部署，睇返圖表，比較難搵到一個參考收回價，所以不妨考慮CALL輪，行使價約300元，明年5月到期，槓桿8至9倍，都係較多投資者關注嘅條款。
