【Now財經台】聯想集團(00992)及名創優品(09896)股價今日都受減持消息拖累，不過，計及今日嘅跌幅，兩隻股份股價今年仍累升42%和75%，其中，聯想遭主席兼首席執行官楊元慶減持，喺11月28日至12月1日期間，合共減持3200萬股，套現3.1億元，值得留意係，楊元慶減持前，曾經增持公司股份，而減持股數高於增持股數，係咪釋出一個負面訊號？
華盛證券財富管理部董事李偉傑認為，港股正逐步殺落16000點，所以部分見過高位嘅股份，傳出大股東減持消息都係好正常。
Jason又話，聯想主席減凸咗都係合理，期權會用行使價及市價計稅率，既然要交稅，不如沽凸少少，令行動更「袋袋平安」，不過，市場就唔係咁睇，覺得沽貨訊號係比較負面，若大市今日升逾300點就應該消化到，但今日就同大市一齊跌落去。
至於今次調整係咪買入時機，Jason就話，要視乎今日收市企唔企得穩50天線，估計都頂唔到太耐，下一站就睇100天線，即8.5元水平，因為…
