【Now財經台】截至早上11時止，1小時內《彭博》用戶關注度上升最多港股，依次為中國恒大(03333)、比亞迪股份(01211)、碧桂園(02007)、遠洋集團(03377)及萬科企業(02202)。
市場關注恒大清盤聆訊及結果對內房嘅影響，但今早(4日)約10時有消息指，聆訊再度延期至明年1月29日，但法官上次話係最後一次押後，如果集團交唔出重組方案就要清盤，依家突然又再延期，係咪令人意外？據《路透》引述消息指，係因為今日冇債權人積極尋求公司清盤，到底再延期係好事定壞事？
富昌證券聯席董事譚朗蔚認為，最耐人尋味係延期原因係冇債權人尋求公司清盤，佢就認為係buy time，但出現債權人接受任何重組，甚至唔申請清盤等情況嘅機會微乎其微。佢又話，投資者可以繼續觀望，不過，恒大今日冇事，唔代表之後冇事，佢認為投資者不宜抱太大期望。
股價方面，Stevan就指出，恒大已經變成毫子股，要彈10%至20%唔難，但當出現任何利淡因素時，要跌10%至20%亦好容易。
