我的股票

    名稱 現價 升跌

    資料報價延遲十五分鐘

    標籤: 6154261147

    【輪證贏家】恒指熊等見新年內新低

    【輪證】 2023/12/04 10:51

    【now.com財經】上個星期五(12月1日)恒指喺下半場時段忽然一棍向上高抽返上17,000點,2點未到做咗當日高位17,038點,迫到隻恒指熊(61147)唔走唔得。打個和之後見指數再次向下行,竟然用全日+全年低位16,830點收市,激氣,捱得到過去嘅話就皆大歡喜;但亦都唔可以咁馬後炮,因為我哋係無早知...

    嚟到12月,扣埋聖誕節假期,今年得返18個交易日,喺一個傳統粉飾窗廚嘅日子,指數似乎都未見有咩粉飾過,喺11月十幾至廿幾號時仲以為佢真係可以上破得到年初至今嘅大型「下降通道」,可惜再次令人失望,即使做咗咁耐淡友,其實心底裡都想個市做返好少少,活躍啲炒輪證都容易啲。

    今朝恒指開市見到有88點升幅,幾好意頭呀,仲諗住指數可以今日升返高少少,彈得高先有得熊。但一轉個五分鐘圖見指數開市口價同條50線咁近,小時圖10線又係好近,出淡倉變成今日作戰室嘅第一注,我好怕出淡倉出到自己麻目晒,而事實上市真係唔會永遠都向下行架嘛,到時要轉嘅時我怕自己嚟唔切反應就GG啦。

    依家9點43分,開市呢13分鐘都算係來回地獄又折返人間,升88點開市後直落到16,830點,同上星期五收市嗰一粒五分鐘圖嘅燭出咗「平底」之後,再來倒跌見16,824點,又創日內及年內新低,跟手忽然又抽返上去升返70幾點之後,50線未到又嚟比咗爭一點嘅「平頂」。作戰室大家暫時沉著應戰中,估計一係睇定啲先至出手,一係就咬緊淡倉,呢兩個做法嘅目的都係一樣:咁短時間chok到咁如果同佢追的話,肯定左一巴右一巴。

    見過低位後喺五分鐘圖上開始畫到「三角形」,基於由9點半開始一直睇住個五分鐘圖,條Slow STC(14.3)其實從來都無向下過,最多都只係見到無咁斜,所以作戰室淡倉都只係爬格仔用。

    今日個市真心飄,10點時指數創咗日內高位後,遇到保歷加頂線即回,用咗12分鐘都無再來多次日內新低,咁啱亦都係日內新低嘅位置又嚟出「平底」,坦白講咁樣追Swing真係人都顛,所以最後決定恒指熊(61542),收回價17,300點,同現價有約384點距離,槓桿約41.26倍夠做Day Trade,小時圖10線作量度線,等睇下一個新年內低位去到邊。

    作者阿珊,以技術分析專心玩輪證,唔貪心,努力賺取我家肥貓罐罐。

    作戰室免費試用,詳見專頁:https://bit.ly/3uixP4Y 

    想睇更多財經消息