【Now財經台】教育股近期成為焦點，宇華教育(06169)噚日收市後出咗業績，毛利率48.2%，按年跌11.4個百分點，宇華解釋，毛利率下跌係因為集團擴大「在師資隊伍」、校園擴建及改造、課程開發等方面嘅投資，以提高教學質量，截至8月底，集團現金及等價物按年大減44%至23.7億元，「燒錢」速度會唔會令市場擔心？
亨達財富管理董事總經理姚浩然指，現金流一年內少咗19億元，係一個頗大嘅流失，「燒錢」速度令市場擔心。
佢又話，擴大業務「燒」多咗錢，但成效唔顯著，收益冇明顯增加，長遠要繼續「燒錢」，業務前景唔理想。
