【now.com財經】噚日喺【輪證下半Part】揀咗隻恒指熊(61010)出嚟，博嘅只係小時圖唔過10線而出動，不過去到下半場時見指數都開始挑戰條10線，最後喺兩至三點嗰一個鐘嘅小時圖燭已經上返線，更於三至四點即噚日最後一粒小時圖燭企返上去，(61010)未落場，先收工。
嚟到2023年最後一個月，唔知大家今年成績如何？噚日【月度報告】總結咗11月份嘅成績，托賴多得前兩日指數下行而出嘅淡倉令到全個月谷到上有131%左古嘅賺幅(喺【月度報告】上嘅數係未計所有因交易而產生嘅手續費架！)，我家肥貓嘅零食總算有著落。
今朝起身睇新聞，見隔晚美股升520點，諗住港股點都會好啲掛，但望望恒指ADR負數嘅？再睇埋今朝牛熊證街貨圖，雖然熊證有新貨再追貼返現價，但嗰四層肥牛都仲係咁多，好難唔令人心邪去追擊肥牛。
恒指完U後開出跌23點，報17019點，度過喺五分鐘圖下方有50線同保歷加底線，同小時圖10線都同恒指開出嚟口價比較近，但下方實在太多肥牛，線多又如何？作戰室仍然第一注出淡倉去追擊肥牛。依家只係開咗市4分鐘，指數跌幅已經擴大至跌116點，報16,926點。
睇返今日牛熊街貨圖，指數都真係要踩返穿16900點先至可以入得到牛證街貨層，事關第一層見16,800至16,899點，手勢慣咗得閒Reload隻App去update個價，唔記得咗佢由12月開始有Free streaming報價，嘿，叫其他仲係用緊Snap shot嘅App點爭？睇住佢閃閃下，突然見跌幅大為收窄，望返個恒指五分鐘圖，呢一棍真係唔係講玩笑，還好依家9點50分見旨數喺五分鐘圖上仲被條100線頂住，第一注淡倉出動咗嘅都仲有爬走保正數。
恒指熊(61147)，收回價17,355點，同現價有約400點距離，槓桿約37.66倍，呢隻為新上市熊所以未有街貨，亦為市場上最貼價熊+最高槓桿之中成交最活躍，仍然用返小時圖條10線作量度線，唔過線就比出去睇下佢係咪咁有本事再創年內新低。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
