【Now財經台】中國恒大(03333)下周一(4日)再次面臨清盤呈請聆訊，向境外債權人提出新的債務重組計劃，由於收回債務嘅可能性低，債權人似乎唔接受新方案，恒大有幾大機會唔使被清盤？
博威環球證券金融首席分析師聶振邦指，恒大扭轉局面機會較低，境外債權人認為恒大談判態度誠意不足，不斷延期或取消會議，令境外債權人感到失望。
法院亦表示唔可以繼續推遲聆訊，印象差令恒大清盤嘅風險高。如果唔同債權人進行「割肉式」傾談，恒大物業(06666)或恒大汽車(00708)大量送出股份彌補債權人失望嘅情緒，局面會較難反轉，預期下星期内房股表現會較波動。
