【Now財經台】光正教育(06068)今朝出咗業績，截至8月底止，全年多賺71%至1.6億人仔，收入按年增長15%，集團又宣布恢復派息，派末期息5分人仔。
光正股價一度爆升1.3倍至0.35元，冠絕港股升幅榜，艾德金融聯席董事陳政深認為，可能有資金見大市觸底，想玩短炒，但又唔敢炒大型股，於是就吼細價股。佢又話，光正最新業績靚仔，集團又公布日前賣股套現1.2億港元，基本面、消息面都有利好，順理成章成為資金炒作目標。
Ryan補充指，光正係辦學團體，唔太受內地監管補習行業政策影響，加上疫情後恢復面授課堂，有利增加集團來自「學校相關供應鏈」業務嘅收入，包括銷售日常用品、教材，以及提供小巴服務等。
