【now.com財經】仲有一個月鬆啲2023年就會過去，暫時睇返今年頭十個月同埋自己excel嘅11月【月度報告】，雖然未見負數，不過有啲月份唔係做得太好嘅，其實扣埋手續費最多都只係買到我家肥貓嘅小量零食；托賴我家肥貓都仲有支醬醬可以舔下。
今朝恒指開市再來升過百點，不過，喺未完U之前睇牛熊證街貨圖，牛證多到呢...數都懶得數，咁重牛點會高開？高開嘅原因為拉盡少少把弓之後再向下落得有衝勁啲？再到完U後如常的由五分鐘圖開始睇、至小時圖再到日線圖，見指數開市口價剛好喺五分鐘圖嘅100/150線，小時圖上仲堅，有10/20/50線三線阻力出現。再去到日線圖，好啲，夾返喺10線同20/50線之間，但五分鐘圖同小時圖加埋五條線出嘅阻力...點睇都係高開低走，作戰室第一注以淡倉應戰。
依家9點57分，第一層牛證17,500至17,599點已經全數被收回，最低暫時見過17,473點，作戰室第一注淡倉亦已完成爬格仔動作，再來嘅就係等10點打後，喺小時圖上比多粒新嘅燭出嚟，比多少少啟示。
終於嚟到10點3分，指數升轉跌過百點，即來回200點波幅，第一層牛證全數被收回之後，換上17,400至17,499點作為最貼價牛，而呢層就係牛證重過區，過千張期指拆開以50點為一層去睇的話，有約七成集中於17,400至17,449點前半段，而有三成則喺17,450至17,499點嘅後半段，怕且今日連呢層都會無埋。
睇遠少少去到17,300至17,399點都仲有900幾張期指街貨喺度，今日27號，星期四就30號，即係星期三(29日)就期結，哦...唔怪之得咁趕住埋數啦。
話口未到，依家只係10點12分，17,400點已經失守，睇嚟個市都會向17300至17399點呢層出發，只係擔心唔知仲可唔可以摺到位出隻淡倉出去，五分鐘圖Slow STC(14,3)隨時會彈起，進取嘅借10線穿唔過出手可以，安全嘅如常用Slow STC(14,3)做Swing，即等上超買亦可；同步睇埋小時圖條150線&保歷加，保歷加口拓闊仍然增加出淡倉機會，否則有可能回一回借返條150線向下打落去。
恒指熊(60412)，收回價17484點，同現價(10點17分@17425點)有423點差距，槓桿約47.32倍夠做Day Trade。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
