【Now財經台】OpenAI高層「兵變」，行政總裁奧爾特曼(Sam Altman)早前被董事會以「溝通不坦誠」為理由解僱，市傳投入逾百億美元嘅OpenAI投資者微軟，向OpenAI董事會施壓，要求畀奧爾特曼復職，其後微軟請咗奧爾特曼掌管AI研究部門，微軟股價周一(20日)創新高，係咪反映市場相信微軟唔會受OpenAI事件影響之餘，仲可以繼續取得OpenAI嘅技術？
易方資本助理基金經理王逸研指，微軟作為OpenAI大股東，有授權去使用OpenAI嘅人工智能(AI)技術，再加上靈魂人物奧爾特曼令微軟受到嘅影響減少之餘，又有唔少頂尖科學家團隊加盟微軟，令微軟成為最大贏家，市場亦對佢抱有一定信心。
