【Now財經台】截至早上11時止，1小時內《彭博》用戶關注度上升最多港股，依次為阿里巴巴(09988)、百度集團(09888)、萬科企業(02202)、碧桂園(02007)、滙豐控股(00005)。
部分內房股今日表現相當興奮，其中，融創中國(01918)一度勁升逾20%，市傳上榜「白名單」嘅龍湖集團(00960)、新城發展(01030)半日升7%及12%，到底「白名單」可以幫到內房幾多？
富途證券高級策略師譚智樂認為，買冇被抛售嘅內房股會比較安全，因為整個內房板塊未來會不斷汰弱留強。佢又話，市場相信會再有救市措施出台，有違約風險嘅內房股，短線嚟講波動性會較大。
佢又話，一線城市嘅樓盤銷情較好，但二、三線城市購買力弱，缺乏剛性需求，若選擇做中線部署，建議揀華潤置地(01109)、中國海外發展(00688)、越秀地產(00123)。
