【Now財經台】細價股華邦科技(03638)建議「2供1」，供股價0.18元 ，較上周五(17日)收市價折讓24%，集資最多5683萬元，以非包銷基準進行，集資所得會用作擴展食品貿易業務及金融服務業務，集團又話會探索收購或策略投資機會。
《香港股票財技密碼》作者梁杰文指，會傾向接納供股，佢分析指，雖然大股東永星資本未有承諾供股，但留意到配售代理同公司管理層有關，若供股反應冷淡，唔排除代理會將餘下股份配售畀永星資本相關人士，意味大股東變相低位增持，相信會利好華邦後市。
華邦股價由逾3年前6元水平，大跌90%至現時約0.26元，Mike認為，參考另一隻細價股潤歌互動(02422)兩周前宣布供股後，股價喺半個月內飆近50%，而華邦同潤歌一樣「出師有名」，用供股所得款項進行收購，相信華邦亦有機會重演潤歌嘅爆升劇本。
