【now.com財經】噚日隻恒指牛(59348)平均決執6格或9.05%，絕對唔係一個非常之多嘅賺幅，但始終都係正數，唔好嫌棄啦；誰不知指數喺下半場2點50分時忽然爆上，到咗噚日朝早借小時圖11月6日高位18,037點拉出嚟嘅第二目標，還好午後作戰室都有開到好倉，抵壘就更係割禾青啦。(59348)的確食少咗好多格，但都係嗰句：正數呀！然後噚日指數收市報18,079點，升682點。
咁大點數升上去仲要見久違了過千億成交，的確反映到個市仲有啲「本事」，不過呢啲係曇花一現還是可以好似上年底咁一直升到年初，就有待時間考證。今朝恒指開市升95點，報18,174點，踩深啲熊證第一層之餘，仲將18,100至18,149點嘅熊證全數收回，不過呢度都只係得相當於124張期指啫。
本以為指數咁升得，借日線圖拉定10月高位18,290點做目標，此前比多一條100天線隔一隔當作回氣位。但指數話「唔需要」因為開市之後二話不說地向下直落，等咗接近10分鐘到五分鐘圖見指數開始向中軸穿過去，再睇多次小時圖做 Double Confirm，作戰室第一注決定出淡倉並企圖借小時圖嘅Slow STC(14,3)於超買位出觸頂+保歷加底線向上=博Slow STC(14,3)觸頂向下搶低埋條恒指。
依家9點47分，小時圖高位已經見埋「穿頭破腳」，仲要第二支陰燭大到獨立計佢一支「大陰燭」都爽，接下落嚟嘅10點至11點，同埋11點至12點，如果都出現陰燭仲要比呢支嘢再大啲嘅話，呢個「三飛烏鴉」嘅排場真係要Mark入教科書。
恒指熊(56404)，安全啲企上18,500至18,599點重貨區再上，收回價見18,660點，同現價有約480點差距，31.34倍槓桿都夠做Day Trade，唔阻大家啦，市跌幅再擴大至跌229點，報17,849點啦。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
