【Now財經台】雖然港股今日(15日)強勢，成功收復18000關，但康寧傑瑞製藥(09966)股價急瀉逾30%，其實股價噚日已經插水，公司昨日中午出通告，話唔知股價異動原因，收市後就話，旗下治療癌症藥物KN046冇發現新增安全訊號。
南華金融集團高級分析師莫灝楠指，市場會質疑係咪涉及內幕交易問題，而睇返市場反應，冇新增安全訊號似乎唔係一個好訊息，因為美國食品藥物管理局(FDA)冇明確表示隻藥通唔通過，令市場覺得一直係拖延，但昨日(14日)最奇怪係，康寧喺冇消息嘅情況下，股價已率先跌咗落嚟，然後公司喺短時間內出咗兩份立場不一嘅公告，令市場覺得混亂。
Casper建議暫時唔好沾手康寧，因為...
