【Now財經台】日本化妝品龍頭資生堂(Shiseido)股價昨日(13日)急挫逾14%，錄得2008年金融海嘯以來最大單日跌幅，資生堂指，8月底日本排放核廢水後，內地消費者減少買日貨，影響集團內地業務表現，到底核廢水影響有幾大？還是內地消費降級影響中高檔產品銷售？
iFast Global Markets副總裁溫鋼城指，女士們政治觸覺唔高，因核廢水問題而轉用其他護膚品品牌嘅機會較細，消費者可能係因為經濟及收入唔穩定，轉用其他平價或中檔品牌產品，例如歐舒丹(00973)。
佢又話，暫時睇唔到Shiseido有咩新產品可以為市場帶來驚喜，繼而帶動銷售，加上消費者變得「踏實」，覺得中價產品其實都唔錯。佢認為，消費模式改變及產品形式變化，都係影響Shiseido銷售嘅原因。
