【Now財經台】停牌逾1年嘅灣區黃金(01194)上周五(10日)深夜公布，擬合股、重組、認購事項及債權人計劃，而控股權或會易手，公司有咁多動作，終極目標係希望避過除牌一劫，集團指，上月底接獲聯交所函件，指上市委員會決定根據上市規則撤銷公司上市地位，集團已提出覆核要求，到底灣區黃金可唔可以避免除牌？
《香港股票財技密碼》作者梁杰文認為，灣區黃金能夠避過除牌及復牌嘅機會係一半一半，其中一個不確性係小股東或股東會係咪會通過重組方案，另一個不確定性就係上市覆核委員會同唔同意呢個重組方案，始終方案對小股東或現有股東來講，股份被大幅攤薄之餘，亦唔係太多剩餘價值可以攞得返，因此，委員會維持原判亦唔出奇。
Mike又估計，若灣區黃金成功復牌，股價將會持續大跌，原因係...
