【now.com財經】上個星期五(11月10日)揀咗隻恒指熊(58607)出嚟，喺上晝11點10分左右見Slow STC(14,3)見線上到相對高位之餘，指數亦都掂住保歷加頂線，同步見頂線未有拓闊嘅意欲，如常的用10分鐘作為入市時間，平均買入價為0.042元。
下半場開場後以為指數會一直喺中軸之上，終於等到1點20分，指數向下穿過中軸，再比多5分鐘兩步路即到底線，保歷加仍然都係窄窄的，唔貪心/怕佢又失心瘋出返Swing上返去，(58607)執返杯奶茶落袋算數。以1點25分見指數落到保歷加底線後而底線無再拓闊，借埋Slow STC(14,3)兩線落返去超賣位，如常的當完成一趟Swing，亦如常的用10分鐘作為走貨時間，即1點25分至1點35分期間，(58607)高低位做過0.047元/0.046元，平均沽貨價為0.0465元。呢一趟平均執4.5格或10.71%，真係一杯奶茶咁多；但結果嗰晚同老友阿賢兩條友走咗去DonDonDon Donki買咗一大堆嘢返屋企，等唔等洗真係見仁見智。
望望月曆今個月完全無閒日紅假，但就偏偏今個月啲飯局幾每個星期至少一餐；再加上天氣開始轉涼，真係好想好似我家肥貓咁宅在家無憂無慮。只可惜佢係貓我係人類，而今朝見到恒指完U後開升59點都真係好累...唯有如常的喺作戰室同戰友Mark好晒啲阻力/支持位逐步逐步打。先Mark五分鐘圖100線(約17327點)同小時圖10線(約17320點)；咁叻豬到步兼企得穩嘅，先至再貪心望日線圖20線(約17392點)同日線圖10線(約17429點)。開市後不消一回，第一站已到。
依家開咗市只係15分鐘，恒指已經係五分鐘圖上100線同小時圖10線見阻力，Slow STC(14,3)先喺五分鐘圖上見有向下走勢；再來小時圖見整條保歷加向下運行，莫非今日指數於小時圖借10線同保歷加通道底線做窄Swing？畫畫下連五分鐘圖都開始畫到「楔形」出嚟，就係條100線同上個星期五留底嘅獄「長方形」頂線。觀乎日線圖大型「下降通道」健在，同時指數仍然靠近下方牛證街貨層，如果小時圖10線有力可以擋到指數再上的話，恒指熊(58904)，收回價17671點，同現價有近360點距離，槓桿有約44倍絕對可以做Day Trade，望返小時圖底線睇下有無計。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
