【now.com財經】噚晚同兩位久未見面嘅朋友古天后&杜比食飯，短聚幾小時大家閒談甚歡，多謝天后請食飯之餘仲車埋我返屋企，確實是一位很Sweet的前輩。
星期一(11月6日)恒指闖過上18,000點樓上，之後連跌三日，噚日落返去日線圖10/20線之上，今日星期五，又到近期流傳「星期五例升日」，只係依家行緊U盤時見ADR跌150點，有少少擔心嗰兩條線，同埋小時圖噚日力守嘅50/150線添。
睇咗牛熊證街貨圖先。今日見熊證再有新增街貨層上場，最貼價落到17,600至17,699點，不過熊見熊證街貨分布得幾平均，重貨區見18,300至18,399點，都只係得700幾張期；而下方牛證就肥過我哋噚晚食嘅燒雞皮囉，第一層17,400至17,499點嗰338張期指只係頭盤，由17,300至17,399點起計向下三層，每層都有過千張期指。如同噚日所講，街貨 VS 技術分析，十次有八次都真係街貨贏。
終於等到完U，按住ADR嘅啟示，今朝指數先跌160點，開市報17,350點，第一層牛證頭盤已吞，以依家開市價計 ，只要指數向下落多250點，咁今日指數就可以鯨吞4,127張期指；真係好似啲獅子咁食一餐之後可以成個星期都唔駛食嘢。
恒指熊(58607)，收回價17,665點，同現價(9點35分報17,245點計)有約420點距離，盡晒力，貼到爆，依家五分鐘圖見指數同Slow STC(14,3)一路向下，硬闖熊唔阻你，只係注碼上留意一下；安全嘅等Slow STC(14,3)上返超買先出嘅話...加油呀！
BTW，由今日開始，【輪證下半Part】將會喺《信報》出現。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
