【Now財經台】內房物管今日(7日)普遍向下，不過，合富輝煌(00733)逆市爆上，集團宣布獲碧桂園服務(06098)以每股1.61元，較昨日(6日)收市價有逾70%溢價，增持及認購新股，交易完成後，碧服持股量升至逾38%，成為大股東，雖然兩筆交易僅涉及約1.6億元，但碧服股價今日受壓，係咪因為溢價太高，還是有其他原因？
華盛證券財富管理部董事李偉傑認為，時間性及溢價太高都係碧服股價受壓原因，喺依家嘅市況下，市場會質疑碧服點解要高溢價增持及認購新股？
Jason又指，碧桂園(02007)同碧服嘅協同效益已「割席」，純粹係姊妹公司，碧桂園嘅債務問題令碧服投資預期降溫，今次碧服高溢價增持都會令市場對協同效應存疑，因為合富輝煌近年虧損比較明顯，即使2020年生意額大幅下跌仍有逾60億元，但今年上半年只有7億元，反映行業收縮情況驚人，加上行業競爭加劇，今次收購估值仍偏貴。
