【Now財經台】醫藥股今日表現搶鏡，升勢亦十分全面，但其實行業未有傳出任何重大利好消息，點解今日會集體炒上？會唔會同藥明康德(02359)列入內地第3季公募基金前10大重倉名單有關？
註冊財務策劃師協會會長黃敏碩認為，由於其他板塊都受唔同消息影響，所以資金都會避一避，寧願選擇消息較少、相對安全嘅醫藥板塊，加上市場認為部分B仔股、生物科技股嘅項目有條件商業化，都有正面推動作用，因為部分公司開始有盈利，發展亦正面，令投資者信心大咗，其實睇返前兩個星期，呢類股份已經有追升嘅情況。
Michael又話，藥明康德列入重倉名單前，業績表現已經唔錯，所以股價相對硬淨，而名單內有3隻藥明系股份，佢坦言對藥明生物(02269)比較有戒心，主要係較易受外界因素及消息影響，反而康龍化成(03759)更值得睇好，因為...
