【now.com財經】噚日揀咗隻恒指熊(57180)，平均買入價為0.0415元，目標好簡單，就係等指數同Slow STC(14,3)都Swing到超賣位s就收工；少少擔心嘅係指數仍然咬住中軸唔放口，咁就見好就收。
等到大約1點35分，指數再次穿過17,000點後，其實Slow STC(14,3)兩線都未確認落到超賣水平，不過再比多五分鐘佢，就已經見到Slow STC(14,3)兩線出現觸底，指數亦有所抽高，一舉過10/20線，(57180)亦要動身走人。以1點40分起身計10分鐘作為走貨時間的話，按期內高低位做過0.044元/0.038元，平均走貨價為0.041元，對比平均買入價，好啦，和咗個手續費啦。
頹咗兩日，今朝終於喺作戰室贏番一場漂亮嘅一仗，今朝恒指開市升115點，報17,160點，開市前好好的用五分鐘/小時圖/日線圖度量好晒今日預計嘅頂/底量度線，再來個失心瘋的開好倉先借五分鐘圖150線踩上，再借噚日高位17,174點做目標，過埋之後再借前日下半場嘅高位17,296點做第二站目標，發瘋的日內終極目標見日線圖10線嘅17,380點。Any肥，見好收，保正數係作戰定嘅宗旨，見大家今朝10點未到已經收咗份早餐，唉~ 倍感安慰。
依家9點58分，指數升緊209點，報17,254點，最高暫時見到17,273點，剛好喺五分鐘圖上呢個位亦出咗「平頂」，作戰室先清好倉，收好正數再等下一個機會。
換個小時圖見今日指數下影線踩住20線(呢個位都係作戰室有Mark到嘅下方支持)，而頭頂開始同50線(約17,372點)有啲近，而呢個位亦同發瘋的日內終極目標，即日線圖10線相約，蓋保歷加通道頂線有少少向上拓，而Slow STC(14,3)依家先觸底上到中軸，唔通今日真係咁顛。
反正指數依家都踩住熊證第一層街貨17,200至17,299點，好，老娘我小注好倉再同你顛多次，恒指牛(56929)，收回價16,858點，同現價有約370點距離，槓桿約32.52倍夠做Day Trade，呢注借小時圖做，不過記得今日係Happy Friday喎。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
