【now.com財經】經過噚日由升400幾點到最後升100點都無嘅港股，仲激刺過海水公園嗰條彩虹滑水天梯，老人家行咗成日，今日可能都要搵張凳仔坐下，所以今朝恒指幾近平開，只係跌0.X點開市，所以喺作戰室裡面開市前都做唔到啲乜，唯有等開市。
確實成日同大家講唔好貪心，有正數就夠；但今日貪嗰個係自己，五分鐘圖上見指數喺開市後企得返上保歷加通道中軸，同步見Slow STC(14,3)兩線向上，計劃小注好倉出動追上去見保歷加頂線就算，但就為咗嗰半截保歷加而Miss咗由9點50分至10點5分呢一段由保歷加頂至底嘅向下Swing淡倉。還好戰友們應該知道我黑氣未過，同我計劃嘅做晒相反就可以，大家在亂流下平安就好了。(大家仍然本住童軍精神的作出安慰)
不安份小手今日唯有用孖葉鎖住先，再咁樣被個市玩落去，就只會更加對佢失去興趣。時間嚟到10點18分，恒指最低暫時見過17,009點，17,000點攻防戰今日都似會打，但見牛熊證街貨上，牛熊兩邊各自新增一層街貨，重新計算牛熊中間位17,249.5點嘅話，以今朝開市價計指數係仍然靠近牛證街貨層，就算用截至依家10點25分嘅高位17,174點計，都係未掂到中位數。咁嘅情況17,000點攻防戰都應該可以慳返啲彈藥，無腦熊算_數。
恒指熊(57180)，收回價17,350點，同現價有約310點左右距離，今日新上市所以未有街貨見到，槓桿有約46.03倍，依家10點31分見五分鐘圖Slow STC(14,3)兩線都落到超賣水平，整條保歷加係向下嘅，試下等佢有無可能上返少少先至出手啦，如常的進取借保歷加中軸唔過線，安全嘅Slow STC(14,3)超買位入囉。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
