【Now財經台】東岳集團(00189)今朝開市前宣布，向主要股東回購股份，同埋出售3家附屬公司股權。東岳出咗中期業績後，股價一直拾級而下，因為純利大跌80%兼唔派中期息，股價今日借消息衝高，股價係咪有機扭轉劣勢？
紅蟻資本投資總監李澤銘估計，東岳業績暫時都唔會明顯改善，因為氫能業務規模仲未形成，但集團有呢方面嘅核心技術，因此，可以憧憬未來會有較可觀嘅收入，東岳業務本身都涉及周期性問題，例如冷氣機制冷劑、有機硅等，呢啲產品去年下半年開始已進入下行周期，由於下行周期介乎1年至3年不等，唔會咁快結束，因此，預期集團下半年業績未必有好大起色。
