【Now財經台】阿里影業(01060)中午發盈喜，預告截至9月底止中期，最少轉賺4.5億人仔，股價午後應聲彈高近9%，一度高見0.54元。
公司喺盈喜通告提及，今年有份投資或發行《消失的她》、《孤注一擲》等內地賣座電影，帶挈公司賺錢。註冊財務策劃師協會會長黃敏碩認為，過去幾年因為疫情封控措施，令唔少電影票房失利，但電影業去年已開始復甦，公司今年能夠虧轉盈扭虧為盈算合理。
不過，Michael指出，電影票房收入不穩定，加上阿里影業業務單一，主要靠投資或發行電影賺錢，相信市場期待公司未來拓展更多業務，例如知識產權(IP)衍生業務。
佢又話，公司一日未有新業務消息，股價好難破頂，但可以炒下波幅，建議待股價回落至100天線水平，即約0.5元再考慮買入，並指影業股中首選貓眼娛樂(01896)。
