【Now財經台】滔搏(06110)噚晚出咗業績,股價今日逆市炒上,集團半年多賺近17%,收入按年增長逾7%,派中期息16分人民幣,按年增逾23%,增幅仲大過純利增長,期內,集團融資成本大減30%,呢份業績收唔收貨?
耀才證券研究部總監植耀輝表示,如果相比其他零售企業,滔搏呢份成績表已經唔錯,雖然各項升幅唔算太大,但睇到經營效率理想,其中,毛利率較上年度微跌近1個百分點至44.7%,但相比去年下半年嘅37.9%,有明顯反彈,去年毛利率較差主要受疫情影響,隨著市道復甦,毛利率自然會升返,Stanley估計,滔搏下半年表現應該唔會太差。