【Now財經台】英偉達(Nvidia)行政總裁黃仁勳今日現身台灣為「鴻海科技日」站台，佢表示，將會同鴻海合作建立人工智能(AI)工廠，受消息帶動，鴻海系嘅鴻騰精密(06088)及富智康集團(02038)股價急升。
匯盈國際資產管理董事總經理郭家耀認為，要發展AI芯片設計係非常重要，如果有主要供應商支持，發展一定事半功倍，台灣一直以代工為主，技術上未必好領先，所以鴻海今次Nvidia合作，市場一定會有較大憧憬。
Matthew又話，富智康主力做智能手機組裝業務，但呢個市場依家缺乏增長，而疫後換機需求持續低迷，暫時睇唔到公司有咩亮點，加上集團已經好耐冇派息，今次因為鴻海同Nvidia合作炒起咗富智康股價，為成手蟹貨嘅小股民提供咗一個走貨機會，亦肯定唔係短炒嘅好對象。
