【now.com財經】今朝未開市先喺作戰室睇咗個街貨圖同噚日嘅走勢圖多一次，亦都係大家開始喺Chat gp蒲頭吹水等開市嘅時間，其中一位戰友講到TVB(aka電視廣播，(00511))嘅股價廿年內跌9成有多，合理，廿年前大家都仍然比較偏重於電視呢種娛樂，而當中亦都係TVB獨大咁滯；廿年後，先唔講政治，多嘅唔止係兩間新嘅免費電視台，仲有Youtube、Netflix、Disney+等一大堆網上串流平台，最重要嘅係過去廿年全個傳媒行業集體地教育所有大眾，呢類型嘅資訊係免費嘅！ヽ(●´∀`●)ﾉ編採係義工嚟嘅，Server唔駛錢嘅！ヽ(●´∀`●)ﾉ
傳媒食風嘅日子都唔係第一日，港股都係一樣，確實是唔應該對港股存有希望，見隔晚美股升成300幾點，今朝戰友話日股井噴成600點佢頂唔順啦！港股呢？升165點開市，開報17,806點後未見再上，依家仲有兩分鐘就10點，指數升幅愈來愈窄；再到依家10點4分，指數升幅一度縮到得60幾點，最低見過17,706點，原先真心諗住港股今日可以同隔離左右一齊上，所以作戰室都準備咗好倉出嚟，誰不知五分鐘圖開完個「小圓底」頸線都未掂到之後再次向下，升市仲出淡倉都真係唔好怪人。
恒指熊(56323)，收回價18,200點，同現價有逾420點，槓桿有約42.33倍夠做Day Trade，依家10點15分，恒指五分鐘圖上見暫時指數喺17,700點邊皮似有啲支持，未穿得到過去，而Slow STC(14,3)兩線亦於今朝超買水平向下至中軸位，如果中軸有支持嘅，咪等Slow STC(14,3)上返去超買位先囉，如果唔係應該都係無腦熊出動。
BTW，再無腦啲嘅仲有一個方法，呢期銀行又嚟定存高息搶錢，無他嘅，存最少三個月的話即係出年1月先至到期，咁銀行就夠錢「順利過渡」年底嗰關，That’s why你會開始見到啲三個月定存有4.5厘或以上，對住港股唔知佢想點的話，索性將舊錢掟落去銀行做佢三個月定存，50萬三個月後都有返5,000幾蚊收，呢啲就真係唔駛用腦、瞓住覺都有息收。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
