【Now財經台】物管股中海物業(02669)宣布，斥9.5億收購同系監理業務，消息一出，即震散股價，一度急瀉逾17%，跌到7元邊緣，依家14天相對强弱指數(RSI)跌至23嘅超賣水平，點睇呢單收購？股價跌到現水平係咪值博？
耀才證券研究部總監植耀輝指，撇開今次呢單收購，單睇公司中期業績其實做得唔錯，喺行業陷入困境之際，交到功課之餘，仲增加派息，反映自身能力理想。
Stanley又話，由於內房及物管股太多負面消息，雖然中海物業實力雄厚，但面對大環境變數多，加上今次嘅收購消息，會令市場更擔心，拖累股價大跌，喺太多不明朗因素下，依家唔係撈底嘅好時機。
