【Now財經台】丘鈦科技(01478)計劃分拆旗下昆山丘鈦微電子科技喺深圳創業板上市，據昆山丘鈦喺申請上市招股書中披露嘅盈利預測顯示，業績已出現改善趨勢，到底公司最新經營狀情係點？昆山丘鈦擬集資約15億人仔，呢筆資金打算點運用？
丘鈦科技執行董事范富強表示，據昆山丘鈦最新嘅2023年盈利預測，雖然收入較2022年仍然錄得跌幅，主要受疫情長期效應影響，但睇返盈利預測，見到全年利潤有機會保持2022年水平，扣除非恆常收入，收益更可能錄得輕微升幅。
佢又話，如果昆山丘鈦成功喺A股掛牌，集資所得將用作加強車載及物聯網等非手機業務發展，亦會加強智能光學產品整合。
