【Now財經台】截至早上11時止，1小時內《彭博》用戶關注度上升最多港股，依次為新世界發展(00017)、中國恒大(03333)、騰訊控股(00700)、比亞迪股份(01211)、恒大物業(06666)。
新世界股價今日大跌，同集團全年少賺28%關係未必太大，反而係末期息大減80%，雖然市場都預咗會減派息，但冇諗過會減咁多，投資者似乎真係好失望？
第一上海首席策略師葉尚志指，由於投資者覺得港股依家唔穩陣，所以會傾向買高息股，但新世界狠削派息，市場當然唔buy。不過，佢認為投資者亦要了解削減派息背後嘅原因，如果係公司打算逆市出擊，未來發展需要投入資金，削減派息保留現金係可以理解。
