【Now財經台】滙豐控股(00005)股價今朝裂口高開，衝上1個月高位，滙控股價今個月持續向上，好友應該點部署？
法興銀行證券上市產品銷售部董事周翰宏指，滙控喺早前嘅跌市中，唔止企得穩，亦未有向下破位，今朝大市造好，滙控趁勢向上突破，佢預期，滙控股價會維持強勢，並認為可部署呢類強勢股，應對假期後美股消息可能帶嚟嘅下行風險。
Horace續指，若想部署滙控短期升勢，尤其是博股價突破後繼續升，熱門CALL輪行使價68至69元，價外10%，2至3個月後到期，雖然係市場上最進取嘅條款，但回報相當吸引，可以做到幾高嘅實際槓桿，佢又話，當滙控股價出現突破後，升勢持續，呢類CALL又會變得相對貼價，槓桿爆發力就可以發揮到。
